जिवनका कतिपय दिन यस्ता हुन्छन् की जुन चाहेरै पनि भुल्न वा बिर्सन सकिँदैन । कतिपय दिनहरुले यती धेरै शिक्षा दिएका हुन्छन् की त्यो दिन भुल्नु भनेको त्यसले दिने शिक्षा पनि भुल्नु हो ।
आज सोमबारको ब्रत । साउनको पहिलो र दोस्रो सोमबार कुनै ग्रह अस्त भएकोले साउनको ब्रत सक्नको लागि भदौ महिनाको दुइवटा सोमबार ब्रत बस्न पर्ने रहेछ । बिहान नुहाएर पूजापाठ पश्चात साँढे ६ बजे कक्षा ८, ९ र १० का विद्यार्थीहरुलाई अतिरिक्त कक्षा पढाउन विद्यालयको कक्षाकोठामा छिरेँ । एउटा सामान्य मानिस र शिक्षकले शनिबार र आइतबार दुई दिन पछाडि विद्यालय आएका विद्यार्थीहरुमा जोश, जाँगर र कौतुहलता बोकेर आएका होलान् भन्ने आशा गर्नु सामान्य हो । तर केहि वर्षबाट समय फेरिएको छ, विद्यार्थीहरु छुट्टीका दिनहरु पश्चात आलस्य, पुरा नभएको वा नगरेको गृहकार्य बोकेर विद्यालय आउँछन् । बिहानै निदाउँछन् वा निदाउन खोज्छन् । कौतुहलता जिज्ञासाको कुनै धर्का समेत भेटिदैँनन् उनीहरुमा ।
.png)
