लघुकथा - "जड संवेदना"

                     रौतहटका सोझा किसान विश्वनाथ कुनै कामले देशको सबैभन्दा ठूलो सहर अर्थात् राजधानी काठमाडौं छिरेका थिए । सामान्य साक्षर उनी कुनै विशेष कामले राजधानीको बबरमहल नजिकबाट सिंहदरबार जाँदै थिए । एकसुरले हिँडिरहेका बेला कानै फुट्ला जस्तो ड्वाङ्ग आवाज आएपछि उनको हंसले ठाउँ छोड्यो ।

                      निकै बेरसम्म रनभुल्ल परेका विश्वनाथ न रुन सके न भाग्न । थरथर कामेर जहाँको तहीँ उभिरहेका उनलाई के गर्ने होसै भएन । बारुदको गन्ध  र  धुवाँ  मिसिएको  डरलाग्दो  वातावरणमा  उनको  होस  ठेगानमा थिएन ।
                     केहीबेरपछि अलिक सम्हालिएका विश्वनाथ घटनास्थलको नजिक अगाडि  बढे  ।  अगाडि  छियाछिया  भएका  केही  मृत  शरीर  लडिरहेका थिए । वातावरणमा घाइतेको कोलाहल व्याप्त थियो । के गर्ने के नगर्ने मनस्थितिमा रहेका उनले घटनास्थल हेर्न आएका दर्शकहरुले मोबाइलबाट तस्बिर खिचिरहेका देखे ।

                       विश्व पनि अघिल्तिर गए र खल्तीको मोबाइल झिकेर त्यसै गर्न थाले ।

                                                                           समाप्त