गजल

(स्रष्टा चौतारी र कुन्ता डण्ड प्रतिष्ठानले आयोजना गरेको प्रथम राष्ट्रिय गजल प्रतियोगिता २०७० मा प्रथम स्थान हासिल गरेको गजल ।) 
                                          - भगवती कँडेल
                                          - हाल : ईजरायल
भन्दैछ ऊ यति धेरै कुशल बनाउँछु ।
साँच्चै अब तिमीलाई गजल बनाउँछु ॥

                       ऊ पनि त मान्छे न हो देखाउँछ रङ्ग

                      भन्छ ‘मस्जिद,चैत्य तोड्छु देवल बनाउँछु ।

पाषाण मुटु बोकेर जो हिँडिरहेका छन्

भन्छन् ढुङ्गो पगालेर तरल बनाउँछु ।

                      हिलै-हिलो हुन्छ भने उभिएको ठाउँ

                      अब मैँले जिन्दगीलाई कमल बनाउँछु ।

दु:खको ‘नि दु:ख होला जरुरीमा राख्दा

‘बाठी बन्छु दु:खलाई म अम्मल बनाउँछु ॥

                            धन्यबाद