गजल ७५ - "भनेर ढाटेँ"

चिसो छ सीरानी भन्यौ तिमीले, पोखिएछ पानी भनेर ढाटेँ ।
आँशु सँगै हाँसो किन हो भन्यौ, यस्तै हो बानी भनेर ढाटेँ ।।

तस्विर तिम्रै आखाँ भरि थियो, हर धड्कनमा तिम्रै मात्र नाम
छामेर मुटु कोही छ की भन्यौ, छिन एउटी नानी भनेर ढाटेँ ।।

लेख्दै थिएँ म पोख्दै थिएँ, सम्बन्ध हाम्रो उतार्दै थिएँ 
हेरेर सोध्यौ के लेख्यौ भनि, थियो एक कहानी भनेर ढाटेँ ।।


टेक्दैनन् खुट्टा चल्दैनन् हात, संसार देख्छु मधुरो सारा
ठोक्कियौ किन भनेर सोध्यौ, बाँकी छ जवानी भनेर ढाटेँ ।।

देखेर तिमी दौडेर आएँ, लुकी लुकी धेरै दिन पछ्याएँ 
खेरेर सोध्यौ कता हो भनी, पल्लो गाउँ जानी भनेर ढाटेँ ।।


चिसो छ सीरानी भन्यौ तिमीले, पोखिएछ पानी भनेर ढाटेँ ।
आँशु सँगै हाँसो किन हो भन्यौ, यस्तै हो बानी भनेर ढाटेँ ।।