गीत - "यादहरु"

जति जति बिर्सुँ भन्छु, बढ्दै जाने यादहरु ।

पराई लाग्छ उजेली यो, आफ्नो लाग्ने रातहरु ।।

मर्छु की के हो सम्झेर,

तिम्रै यादमा कल्पेर ।।

जति जति भाग्न खोज्छु पिछा लाग्ने यादहरु ।

रोकुँ भन्छु आँशु अब, भत्की दिन्छ बाँधहरु ।।

जिन्दगी देखि भागेर

जाउँ की संसार छोडेर ।।

जति जति हाँस्न खोज्छु, बल्झि दिन्छ पीडाहरु ।

रोउँ भन्छु दिन खोलेर, अल्झि दिन्छ आँशुहरु ।।

बौलाउँछु की लागेर 

हिँड्छु आफैसँग भागेर   

समाप्त