लघुकथा "चोर"

                                                                                  बिहीवार , जुन 30, 2011 तारिख 7:47साँझ बजे          

                                                          मानेको सुनको सिक्री हरायो । हिजो सम्म त लगाईराखेको थियो गलामा । आज बिहान देखि कतै छैन । माथि तल, बाहिर भित्र  घरको कुनाकानी कतै पनि भेटेन । घरका सबै मान्छेलाई जम्मा गरेर खोज्यो पत्तो लागेन ।

                                                          जान्नेलाई देखायो र जान्नेले भनेअनुसार गाँउकै दुईजना शंकास्पद चोर दरिए । पाँच तोलाको सुनको सिक्री कसरी माया मार्नु र ? गाउँमा पुलिस भित्रीयो । मानेकै किटानी मुताबिक पुलिस पहिले गाउँकै भट्टी पसल तिर लागे गाउँलेको बढ्दो भिड सहित । धन्य ! सिक्री सकुशल भेटियो ।

                                                          माने मुन्टो निहुराउँदै हातमा हत्कडी सहित पुलिसको  बिचमा तानिएर चौकी लगीदैँ थियो । पछी –पछी गाउँकै बच्चाहरुको रमिता लागेको थियो । गाउँलेहरु मुखामुख गर्दै मानेतिर हेर्दै थिए ।

                                                         कोहि बुज्रुक भर्खरै गाउँ भित्रीएका छिमेकीलाई बुझाउँदै थिए – “त्यो क्यारे हिजो राती तल माएलाको पसलाँ बाँसा बार भत्कार क्यारे चोरी भा रछ ।  (हल्ला हल्ला हल्ला हल्ला)...................................सिक्री ता क्यारे त्यही बारको बाँसमा पो तुन्द्रङ्ग झुन्डीराको । अनि त डन्ठेले क्यारे पिड्दै लइहाले नी ।” 

बुज्रुक अझै के के भन्दै थिए तर हल्लाले उनको आवाज सुन्न सकिएन ।        

                                                                                                    समाप्त