"गज़ल" -योगेन्द्र विवश मगर

अन्तै नाता जोडेर गयौ, र त यहाँ जीउँन सिकेँ ।
एक्लै मलाई छोडेर गयौ, र त यहाँ जीउँन सिकेँ ।।


सुन्दर सपना सजाएथेँ, तिम्रो मेरो जिन्दगीको ।
जीवनयात्रा मोडेर गयौ, र त यहाँ जीउँन सिकेँ ।।



माया धेरै लाग्थ्यो मलाई, आफ्नो भन्दा  तिम्रै ।
त्यही माया तोडेर गयौ, र त यहाँ जीउँन सिकेँ ।।


सजाएर राखेको थिएँ, तिम्लाई मनको बगैँचामा ।
त्यही बगैँचा तोडेर  गयौ,र त यहाँ जीउँन सिकेँ।।


आफैँ माया लगाएर, फेरि आफै छुटायौ तिम्ले ।
पराईको साथ लागेर गयौ, र त यहाँ जीउँन सिकेँ ।।


अन्तै नाता जोडेर गयौ, र त यहाँ जीउँन सिकेँ ।
एक्लै मलाई छोडेर गयौ, र त यहाँ जीउँन सिकेँ ।।

-योगेन्द्र विवश मगर
हाल:- दोहा कतार