बिन्ती

              
बेचेर खाउ लासहरु
चल्न नदेउ सासहरु
उठाउ गरिबका बासहरु
बढाउ यस्तै आशहरु ।।

         अनि, एकदिन यहाँ,
        ब्यबसायीक मानबखेती सुरु हुन्छ ।
        बच्चाको पाँच लाख यूवाको १० लाख
        बुढो लगे स्पेशल अफर,
        राम्रो छुट मिलाईदिउँला ।।
अझ, शहिद बनाए ५० प्रतिशत फ्री,
    सालिक बनाए ४० प्रतिशत,
    रेटेर मार्दा खर्च बढि लाग्छ,
    दुर्घटना गराए केहि कममा हुन्छ ।
        फेरि, सुनौलो अवसर सुनौलो मौका
५० जना शहिद र ५५ जनाको सालिक बनाउन सफल
        यस देशभक्त मानबसेन्टरमा ,
        दशैँ तिहारको बिशेष अफर,
        हरेक खरिदमा एउटा खुकुरी सित्तैमा
        मासिक रुपमा १०० वटा तरबार पाईने
        बम्पर उपहार १० जनालाई बन्दुक
        छिटो गर्नुहोस ।।
यस्तै बिज्ञापन यस्तै परिदृश्य भित्र,
नबनोस हाम्रो मातृभुमी ।
बचाउ आत्मा बचाउ स्वाभिमान
बिन्ती अझै नरुवाउ जननी ।।