"भुत" ??? (साना साना नानी हरुको लागि)

हीजो हाम्रो घरमा, बत्ती जाने पालो थ्यो । 
जता फर्की हेरेनी, अधेँरो र कालो थ्यो ।।





मैन बत्ती किन्न भनी, पसल जान लाग्या थेँ । 
सबै कालो देखेर म, छिटो छिटो भाग्या थेँ ।।




पसल गई मैनबत्ती, किनेर म फर्किएँ । 
सेतो भुत बरण्डामा, देखेर म तर्सिएँ ।।




बीना टाउको हात हल्लाइ, नाचीराख्या देखेर ।
 चिच्याउन पो लागेँ म त, हात खुट्टा फेँकेर ।।




हल्ला खल्ला सबैतिर, त्यती खेरै भएछ । 
बत्ती पनि झुलुक्कै, उत्ती खेरै आएछ ।।




सबैजना मिलेर के भो ?,सोध्न थाल्नु भो । 
हत्तपत्त आमाले आई, मलाई अँगाल्नु भो ।।




कुरा सुनी सबैजना, भुत खोज्न लागेको । 
देखि भुत बरण्डामा, डर मेरो भागेको ।।




हजुरबाको सेतो कुर्ता, सुकाको पो रहेछ । 
त्यहि कुर्ता हावाले गर्दा, नाचे जस्तो भएछ ।।




भुतलाई देखेर, सबै हाँस्न थाल्नु भो ।
 धत् सेतो कुर्ताले कति बिघ्न लाजै भो ।।

(साना साना बच्चाहरुलाई डर बिनाको जिन्दगी बाँच्न दिँउ । साना साना नानीहरुको लागि समर्पित रचना जतिलाई सुनाँए सार्है मन पराए है ।  )